منتديات عـلاء عاطف

منتديات عـلاء عاطف



    من اشعار \ حمدان بن محمد بن راشد ال مكتوم

    شاطر
    avatar
    اسباني
    عضو vb
    عضو vb

    ذكر عدد الرسائل : 27
    العمر : 27
    نقاط : 30980
    تاريخ التسجيل : 01/05/2009

    GMT + 3 Hours من اشعار حمدان بن محمد بن راشد ال مكتوم

    مُساهمة من طرف اسباني في الجمعة مايو 22, 2009 1:19 am

    بسم الله الرحمن الرحيم



    تنزيل \ عصام حمود





    أنا في الشعر

    أنا في الشعرابن هذاك إذا إنته تعرف الشعـر

    أهيج في البحـور أمـواج أمشيهّا عـلى كيـفــي

    واقولـّك لا تجاريني ترى أمشي بدربٍ وعـر

    وإذا تبـغــي تجـاريني تــرى لــك امــدٍ سـيـفـي

    ولا تضمن تحوز النصر وأنا بحر وانته نهر

    وإذا عـارضـت تيـّاري بــرّى مـوجـي وسيفـي

    وكم من واحدً غيرك تعرض لي وجاه الكسر

    ودارت بـه هبـوب ريـاح في أقـوى عـــواصيفي

    تهاجم سايل الأقـلام وسطرً مايهــــّزه سطـر

    وإنتـه وينهــا افـكـارك ععـن بيـوتي وتهــديـفي

    تبا روس العلا وانته تحول في طريقك حـدر

    تحـاول بـس مـا تقــدر بـأن تــوصـل مشـاريفـي

    نجـوم الليل ما تنور إذا بيّن شعـاع البـــــدر

    وش الي يجمع الوسمي على سحب ورْعد صيفي

    تشـوف الجـاذبيه في هالدينا تجــــــرك جـر

    أنا عـكـسه افـــــرك ويــن ما أبــغي على كيفـي





    فخر الأجيال


    على وصف الرجال اللي تسمّى بالفعال رجال

    لفت بيض العلوم وبيّض الله وجه راعيها


    لفت ما كنّها الاّ سبّق الخيل ان بدت تختال

    نواصيها النعوت وفي مناكبها.. قوافيها


    قصايد والقصايد ما نساومها بجاه وْمال

    نعبّ بحورها وان هاج مزملها نرسّيها


    إذا امتدّ الفكر وامتدّ ليلي والقصيد وطال

    توشّحت الشوارد ولبست الاشعار غاليها


    كذب من قال ساعَفني عليها الجن يوم تقال

    أنا البس جنّها واصدر مواردها واروّيها


    أنا وْلا فخر نجل الشامخ المتمرّس الريبال

    على وصفه تجاريني القصايد قبل اجاريها


    على (محمد إبن راشد إبن مكتوم) طاب الفال

    وطابت لي قبل لا الزم قوافيها.. معانيها


    متى قالوا صواريها المعاني.. ما هناك اشكال

    حرام انّي لمدّ شراعها لأكبر صواريها


    على اكبر منبر ارميها ثنا وْعز وْفخر واجلال

    ما دام ان الثنا لأهله.. على اكبر منبر ارميها


    لاجل قرمٍ غرس حلمه لشعبه واثمرت الآمال

    حقايق نبصر اوّلها.. ونتباشر بتاليها


    حقايق واضحه من دون ابو راشد صعب تنطال

    تباركها القلوب وتبهر الناظر مغانيها


    مغانيها تراود كل عطرٍ ما خطر ع البال

    واراضيها يراود كل عاشق فوع ناديها


    أراضيها الخزاما والنفل والبختري والهال

    وما يخطر على بال العطر يزخر باراضيها


    ولي فيها محب أسرف على قلبي وحط وشال

    طلب روحي وروحي منه فيها اللي يكفّيها


    من اوّل ما عرفته والضلوع تجرّ له موّال

    ولا ادري نيّته بضلوع صدري وش تواليها


    أنا محتار ما بينه وبين (دبي) بالمثقال

    يا أمّا (دبي) له تحلا أو انّه لي محلّيها


    أو انّ (دبي) تحلا لان أبو راشد لها خيّال

    نعم والله وتسبق خيلها من سبق واليها


    (دبي) العِز من طيب النسايم عودها ميّال

    تمسّي صاحب القدر ونحن باسمه نمسّيها


    صدى داره بشرق وغرب وجنوب التقى وشمال

    قبض الاربع جهات يلين داره ذاع طاريها


    طغى عزمه على وعر الدروب وله غدت مسيال

    تسيل الأرض لاقدامه وتفخر من مواطيها


    غريبه كيف جادت به سنينه والسنين بخال؟

    والاغرب كيف تضما له وهو بالجود يسقيها؟


    لو ان المجد سهل ان كان كلٍ طال منه وْنال

    دروب المجد ودروب العلا صعبه مراقيها


    طويل العمر ما جيت اعتزي في وصفك الأمثال

    ولكن المثايل تعتزيني بك.. والبّيها


    يابوي ابشر ترى شبلك توارت عن مداه اشبال

    وثب فوق الدروب وسابقت رجله خطاويها


    ورث عزمك وحزمك والخصال تجرّ طيب خصال

    مواثيقه على طرق المكارم بك يجدّيها


    إذا شدّ الفخر لاجلك رحاله قمت اشدّ رحال

    على نهجك.. عشان افرد رحاله وارجع اطويها


    واذا قالوا: من ادرى بالحصابي والوزون ثقال

    عرفت ان الوزون ثقال وانت ادرى بْحصابيها


    على الدنيا جدال الاّ انت والله ما عليك جدال

    مع ان إيدك يجادل كل وادي سيل واديها


    لو ان السحب تنشا من كفوف امست عليك ظلال

    وخرّت ساجده لاهل الثرى من جود منشيها


    مكارمك المكارم والعطايا من بحرك جزال

    لو ان السفن تجري في يمينك ضاع شاطيها


    يمينك كم لاحت وابرقت وابطت وهي تنهال

    ولا والله تدري عن يسارك كم معاطيها


    وكم رجلٍ بصدره حاجه وجاك وقبل لا يسال

    عطيته.. كنّك ادرى بالصدور وْسرّ خافيها


    وكم حلمٍ سبقته.. كان في عين الزمان محال

    تقول المقبلات افضل عليك اسرار باريها


    يقولون اختصرت اجيال واقول انته فخر الاجيال

    إذا الأجيال بك ما تفتخر.. من يفتخر فيها؟!
    avatar
    علاء عاطف
    ريـس مجــلــس الادارة
    ريـس مجــلــس الادارة

    ذكر عدد الرسائل : 319
    نقاط : 32682
    تاريخ التسجيل : 16/12/2008

    GMT + 3 Hours رد: من اشعار \ حمدان بن محمد بن راشد ال مكتوم

    مُساهمة من طرف علاء عاطف في السبت مايو 23, 2009 9:40 pm

    مشكور اخو


    عصام

    فديتك

    والكلام الروعة


    اللة يعطيك الف عافيــة







    وثب فوق الدروب وسابقت رجله خطاويها


    ورث عزمك وحزمك والخصال تجرّ طيب خصال

    مواثيقه على طرق المكارم بك يجدّيها


    إذا شدّ الفخر لاجلك رحاله قمت اشدّ رحال

    على نهجك.. عشان افرد رحاله وارجع اطويها

      الوقت/التاريخ الآن هو الأربعاء أكتوبر 18, 2017 6:21 am